შპს ,,სამედიცინო ცენტრი ციტო”, 1997 წლიდან დღემდე, უწყვეტად ემსახურება პაციენტებსა და კლინიკებს, ჩაბმულია ჯანდაცვის პროგრამებსა და კლინიკურ კვლევებში.
ჩვენი ძირითადი მისიაა პაციენტთა ხარისხიანი, საერთაშორისო სტანდარტების დონის სამედიცინო მომსახურებით უზრუნველყოფა. ამჟამად, ,,ციტო” საქართველოს მასშტაბით წარმოდგენილია თოთხმეტ ლოკაციაზე და თავის პაციენტებს სთავაზობს: ლაბორატორიულ და ინსტრუმენტალურ კვლევებს, სხვადასხვა დარგის გამოცდილი და კვალიფიციური ექიმების კონსულტაციებს.

შპს ,,სამედიცინო ცენტრი ციტო“ აცხადებს ვაკანსიას ქოლ-ცენტრის ოპერატორის პოზიციაზე.

ძირითადი მოვალეობები:

• ქოლცენტრში შემოსული ზარების მომსახურება ან/და გადამისამართება;
• პაციენტის კონსულტაცია მოთხოვნილ საკითხებთან დაკავშირებით;
• ექიმთან ვიზიტის დაჯავშნა;
• ელექტრონულ პროგრამაში შესაბამისი ინფორმაციის შეტანა;
• პაციენტთა მომსახურება ცენტრში დანერგილი სტანდარტების შესაბამისად.

საკვალიფიკაციო მოთხოვნები:

• განათლება: უმაღლესი (სასურველია სამედიცინო განათლება);
• საოფისე კომპიუტერული პროგრამების ცოდნა;
• ენების ცოდნა: ინგლისური;
• გამართული მეტყველება;
• კომუნიკაბელურობა;
• პასუხისმგებლობის მაღალი გრძნობა;
• გუნდური მუშაობის უნარი;
• დეტალებზე ორიენტირებულობა;
• პრობლემების ანალიზი და სწრაფი რეაგირების უნარი;
• კეთილსინდისიერება და მაღალი პასუხისმგებლობის გრძნობა.

სამუშაო გრაფიკი: ორშაბათი-პარასკევი 08:00-16:00/ 09:00-17:00/ 10:00-18:00/ 11:00-19:00,
შაბათი 08:00-14:00/ 09:00-15:00/ 10:00-16:00. მოძრავი გრაფიკი, კვირაში 40 საათი.
სამუშაო ადგილი: ქ. თბილისი, დიღომი.

დაინტერესებულმა კანდიდატებმა გთხოვთ, გამოგვიგზავნოთ რეზიუმე (CV) შემდეგი ელ. ფოსტის მისამართზე: hr@cito.ge , ელ-ფოსტის სათაურის ველში (subject) მიუთითეთ ვაკანსიის დასახელება.
გისურვებთ წარმატებას!

შეტყობინება: შპს „სამედიცინო ცენტრი ციტო“ (შემდგომში „ციტო“, ს/ნ: 204888461, ტელ: 0322290671, მის: თბილისი, ფალიაშვილის ქ. #40) თავის საქმიანობას წარმართავს „პერსონალურ მონაცემთა დაცვის შესახებ" საქართველოს კანონის შესაბამისად და დასაქმებით დაინტერესებული კანდიდატის განაცხადს/აპლიკაციას განიხილავს, შეაფასებს, გადაწყვეტილებას მიიღებს დასაქმების კანდიდატის მიერ გაცემული წინამდებარე თანხმობის საფუძველზე.
იმისთვის, რომ დასაქმებასთან დაკავშირებით „ციტომ“ მიიღოს გადაწყვეტილება, დასაქმების კანდიდატი წარადგენს განცხადებას/აპლიკაციას. აღნიშნულთან ერთად, შესაძლოა, „ციტომ“ მოითხოვოს დამატებითი დოკუმენტაცია, გასაუბრება, ტესტირება ან გამოიყენოს შეფასების სხვა მეთოდები. ამ პროცესის ფარგლებში „ციტო“ დაამუშავებს კანდიდატის ისეთ პერსონალურ მონაცემებს, როგორიცაა სახელი, გვარი, ტელეფონის ნომერი, ელ. ფოსტა, იურიდიული და ფაქტობრივი მისამართი, განათლების, კვალიფიკაციისა და სამუშაო გამოცდილების შესახებ ინფორმაცია და სხვა ნებისმიერი დამატებითი მონაცემი, რაც საჭირო იქნება „ციტოს“ მიერ გამოცხადებულ ვაკანსიაზე განცხადების განსახილველად.
მონაცემთა დამუშავების საფუძველს წარმოადგენს ამ ფორმაზე გაცემული წერილობითი თანხმობა, რომელიც გამოიხატება კანდიდატის მიერ მისი პერსონალური მონაცემების „ციტოსთვის“ წარდგენით. კანდიდატს აქვს აღნიშნული თანხმობის ნებისმიერ დროს გამოთხოვა/გაუქმების უფლება, რის შემდგომაც დამსაქმებელი შეაჩერებს მისი აპლიკაციის განხილვას და გაანადგურებს მონაცემებს.
იმ შემთხვევაში, თუ მონაცემთა დამუშავება მხოლოდ დასაქმების კანდიდატის თანხმობის საფუძველზე მოხდება, „ციტო“ მონაცემებს შეინახავს/დაამუშავებს 1 (ერთი) წლის ვადით. კანდიდატის წარმოდგენილი პერსონალური მონაცემების დამუშავების ვადები, შესაძლოა, განსხვავდებოდეს, თუ ამას განსაზღვრავს საქართველოს მოქმედი კანონმდებლობა ან კომპანიის შიდა პოლიტიკა.
„ციტო“ კანდიდატთა შერჩევის პროცესს წარმართავს დისკრიმინაციის ყველა ფორმის აღმოფხვრის შესახებ კანონისა და პირთა მიმართ თანაბარი მოპყრობის პრინციპების დაცვით.
გაითვალისწინეთ, რომ კანდიდატი, მისი პერსონალური მონაცემების „ციტოსთვის“ წარდგენით, ადასტურებს, რომ გაეცნო შპს „სამედიცინო ცენტრი ციტოს“ მიერ დასაქმების კანდიდატის პერსონალურ მონაცემთა დამუშავების წესებსა და პირობებს (გთხოვთ, იხილოთ ბმული: https://cito.ge/personal-data) და თანახმაა, კომპანიას გადასცეს მისი პერსონალური მონაცემები შემდგომი დამუშავება/შენახვის მიზნით.
აღნიშნულ თანხმობას „ციტო“ განიხილავს აუცილებელ წინაპირობად კანდიდატის ვაკანტურ პოზიციაზე განხილვისთვის.