შპს „კარდიოლოგიური კლინიკა „გული“ ეძებს გუნდის ახალ წევრებს და აცხადებს ვაკანსიას ექიმი-რადიოლოგის პოზიციაზე.

საქართველოში პირველი კერძო კარდიოლოგიური კლინიკა „გული“ უზრუნველყოფს კარდიოლოგიური პროფილის ავადმყოფების სრულყოფილ დიაგნოსტიკასა და მკურნალობას, 1996 წლიდან დღემდე კლინიკის ბაზაზე მრავალი კვალიფიციური სპეციალისტი აღიზარდა და პრაქტიკულ სამედიცინო პროფესიას ეზიარა.

სამუშაოს მოკლე აღწერა:

• კვალიფიციური სამედიცინო მომსახურების გაწევა პაციენტებისთვის;
• სამედიცინო დოკუმენტაციის წარმოება დადგენილი წესების შესაბამისად;
• რადიოლოგიური კვლევების შედეგების ზუსტი ინტერპრეტაცია და დიაგნოსტიკა.
• სისხლძარღვების დუპლექს-სკანირებისა და ფერადი დოპლეროგრაფიული კვლევების ჩატარება (ექსტრაკრანიალური, ტრანსკრანიალური, ზემო და ქვემო კიდურების მაგისტრალური სისხლძარღვები, მუცლის ღრუს ორგანოების სისხლძარღვები და სხვა).
• დეტალური, მაღალპროფესიული სამედიცინო დასკვნების მომზადება.
• კომპანიის შიდა პროტოკოლის დაცვა.

საკვალიფიკაციო მოთხოვნები:

• უმაღლესი სამედიცინო განათლება;
• შესაბამის სპეციალობაში ლიცენზიის დამადასტურებელი სერთიფიკატი;
• სამედიცინო საქმიანობასთან დაკავშირებული კლინიკური და საკანონმდებლო ნორმების ცოდნა;
• მსგავს პოზიციაზე მუშაობის გამოცდილება – მინიმუმ 3 წელი (დოპლეროგრაფიის მიმართულებით)
• კომპიუტერული საოფისე პროგრამების ცოდნა.

სხვა უნარ-ჩვევები:

• მაღალი პასუხისმგებლობის გრძნობა;
• ეფექტრური კომუნიკაციის უნარი;
• გუნდური მუშაობის უნარი;
• სიახლეების ათვისების უნარი;
• მუდმივ ზრდასა და პროფესიულ განვითარებაზე ზრუნვა.

სამუშაო გრაფიკი: ორშაბათიდან პარასკევის ჩათვლით, 10:00 საათიდან 17:00 საათამდე
ადგილმდებარეობა: თბილისი, ლ.მანაგაძის ქ. 3

თუ ფიქრობთ, რომ თქვენი კვალიფიკაცია შეესაბამება ჩვენს მოთხოვნებს, გამოგზავნეთ რეზიუმე/CV ელექტრონულ მისამართზე: jobs@guli.ge
2026 წლის 30 მაისამდე სათაურის ველში აუცილებლად მიუთითეთ პოზიციის დასახელება;

დავუკავშირდებით შერჩეულ კანდიდატებს. წარმატებას გისურვებთ!

შენიშვნა: წინამდებარე ვაკანსიისათვის პირის მიერ CV-ს წარდგენა, გულისხმობს პირის მიერ პერსონალური მონაცემების დამსაქმებლისათვის გადაცემას და თანხმობის გაცხადებას აღნიშნული მონაცემების დამუშავების თაობაზე. CV-ში მოცემული პერსონალური მონაცემები დამსაქმებლის მიერ დამუშავებულ/შენახულ იქნება მხოლოდ გამოცხადებული ვაკანსიისათვის კანდიდატის შერჩევის მიზნით, შესასრულებელ სამუშაოსთან კანდიდატის შესაბამისობის დადგენის მიზნით, შესაძლო შრომითი ურთიერთობის წარმოშობის მიზნით. დამსაქმებლის მხრიდან, ზემოთ აღნიშნული მიზნებისათვის, პერსონალური მონაცემების დამუშავება განხორციელდება მხოლოდ შესაბამისი უფლებამოსილების მქონე პირთა/თანამშრომელთა მიერ. კანდიდატის პერსონალური მონაცემების დამუშავება განხორციელდება 2 თვის ვადით, ელექტრონული ან/და ამობეჭდილი სახით.